Jean-Jacques Poli

Ghjuvan Ghjacumu Poli hè un stitutore in ritirata, anzianu direttore di a Scola Bislingua di Santa Riparata di Balagna. Impegnatu, dipoi a so isciuta da a Scola Normale d’Aiacciu, in lu 1971, in l’amparera di a Lingua Corsa, hè statu à l’origine -cù l’aiutu indifettibbile è tantu preziosu di Marcellu Acquaviva, cunsiglieru pedagogicu di LCC, oghje sparitu- di u bislinguisimu in Balagna.
À partesi da u 1997, Ghj Ghj Poli hà participatu à a furmazione in Corsu di persone maiò ind’u quatru di u GRETA o altri vari associ è, dipoi sittembre 2021, ellu intervene, cù Praticalingua Balagna, à Lisula è in Urtaca, sempre da sparghje è fà praticà a lingua nustrale.