Chiktay-Téyat n° 1

Mi kat iskèch ka palé dè zafè ka fèt adan sosyété Gwadloup. Prèmyé-la, sé on tiboug ka pwofité asi on tifanm ki malad a y an lisé-la. Anplis, i ka fè zanmi a-y vin pwofité yo osi. Sa ké kouté-y chè chè chè. Dézyèm-la, sé on chèf an lanméri-la, lè on bèl jennfi ka vin mandé fè on istaj, i ka mandé-y rété pou-y ba-y plas-la. Misyé Limè pé ké pwan sa an men a-y menm. Twazyèm-la, sé séparasyon a twa zanmi ki grandi ansanm. Lè rivé, apré bak, pou chakmoun pwan chimen a-y, é ni yonn sa ka angwé poubon. Dennyé-la, sé istwa a on zélèv k-ay fè on istaj a chofè pou-y apwann menné kaw, davwa sé rèv a-y dèpi i toupiti. Tousa, sé pou nou ba sé timoun-la on pal fè téyat, li, palé é jouwé ansanm pou yo vin pi véyatif, pi wé é pi djòk.