Siwo-Fiyèl

Siwo-Fiyèl, sé on krèy poèm ka palé Lanmou an lang an-nou, pou lè nou vlé fè on ti bas, i ba pi bèl santiman an-nou koulè jaden-flè anba kout-penso a Sòlèy douvanjou, oben koulè jip-a-syèl lè Sòlèy ka désann an Lanmè mété dòmi kouché. Sé pou-y fè pawòl an-nou fè siwo an kè a doudou an-nou, men osi, dépawfwa, pou-y zayé doulè a Lenbé lè i ka pété tèt a moun.
Kidonk, mi on krèy poèm ka palé lanmou a Lanmou é lanmou a Lenbé adan on lang ki pa-a krenn pon-on dòt lang, é ki ka wouvè zèl a-y adoumanman an syèl a sèvèl an-nou, kon lèwvwè lanmou ka wouvè tchè a-w ba moun-la ou malad a-y la.
Lang a Siwo-Fiyèl, sé lang a lokans, lang a dé lanm, lang a dousin. Sé osi on jan pou nou ba litérati an lang an-nou plis balan an poézi.